20:27 Bartomeu: «Messi futbolchi sifatida shu erda tug'ilgan va u klubda qoladi» | |
 "Barselona" prezidenti Jozep Bartomeu hujumchi Leonel Messi bilan shartnomani uzaytirish borasida olib borilayotgan muzokaralar haqida o'z fikrlarini bildirib o'tdi. "Messi bilan shartnoma qachon uzaytirilishi borasida hech narsa deya olmayman. Hozircha esa shuni aytishim mumkinki, Leo jamoada qolishini istaymiz. U dunyoning eng yaxshi futbolchisi. U o'zini jamoamizda, shahrimizda baxtli his qilishini istaymiz. Messi futbolchi sifatida Barselonada tug'ilgan. Axir u 13 yoshida bu erga ko'chib kelgan. Uning butun faoliyati shu erda o'tmoqda. Shuning uchun uning maqsadi — "Barselona"da qolish. O'ylaymanki, Messining klubda uzoq yillar faoliyat olib borishidan klub a'zolari ham xursand bo'lishadi. Biz uni sotmaymiz", deydi Bartomeu. Avvalroq, kataloniyaliklar prezidenti Messini dunyodagi eng ko'p maosh oladigan futbolchiga aylantirish niyatida ekanini ta'kidlab o'tgandi. Manba: Barca-club.uz | |
|
| |
| Всего комментариев: 0 | |