18:08 Бугун «Арсенал» - «Бавария» учрашуви бўлади | |
 Футбол ишқибозларини яна бир бедор тун кутиб турибди. Зеро, ундаги ўйин кўпчиликнинг диққат марказида бўлади. Европа Чемпионлар лигаси мусобақасининг нимчорак финал учрашувлари бугун ҳам давом эттирилади. Италияда "Милан" жамоаси Испания грандига айланиб бўлган Мадриднинг "Атлетико" клубини қабул қилади. Бир қарашдан меҳмонларнинг имкониятлари юқорироқдек, аммо якуний натижани кейинроқ билиб оламиз. Иккинчи учрашув Лондонда бўлиб ўтади. Чоршанба оқшомида Англиянинг кўплаб шаҳарларидан мухлислар айнан шу ўйинни кўриш учун ташриф буюришади. "Арсенал" жамоаси ўтган йилги кубок соҳиби Германиянинг "Бавария" клубини қабул қилади. Ўйин олдидан иккала томон ҳам ўз рақиблари ҳақида гапириб, қийин босқич олдида турганларини таъкидлашганди. Лекин, кўплаб футбол мутахассислари Мюнхен клубининг сўзсиз ғалабасига ишонмоқда. Биз эса, буни футбол дейдилар деганча, ўйинни кузатишга киришамиз. Севимли жамоаларингизга омад ёр бўлсин! Manba: Uff.uz | |
|
| |
| Всего комментариев: 0 | |